Tovuzun Əlibəyli kəndində traktorun idarəetmədən çıxaraq aşması nəticəsində sürücü, 50 yaşlı Asif Şamilov həyatını itirib. Daşkəsənin Xoşbulaq kəndində minik avtomobilinin idarəetmədən çıxaraq maneəyə çırpılması ilə 59 yaşlı Gülnaz Mustafayeva, 46 yaşlı Sahil Məmmədov və 44 yaşlı Hicran Məmmədova xəsarət alıblar. Abşeronda “Opel” markalı avtomobil 17 yaşlı Qasımlı Elcan Şənlik oğlunu vurub. Gənc aldığı xəsarətlərdən dünyasını dəyişib. Sababiradda isə 49 yaşlı Cəfərov Ağabala Bəybala oğlu idarə etdiyi “Naz Lifan” markalı avtomobili sərt döngədə aşırıb. Ağır kəllə-beyin travması ilə xəstəxanaya yerləşdirilib.