Tovuzda avtomobil dərəyə yuvarlanıb, baba və nəvəsi ölüb
Tovuzun Çobansığnaq kəndində Həsənov Ramiz Abbasəli oğlunun idarə etdiyi “Niva” markalı avtomobil dərəyə aşıb. Nəticədə sürücü və nəvəsi 15 yaşlı Həsənli Cavidan İlqar oğlu aldığı xəsarətlərdən hadisə yerində ölüblər. Suraxanı rayonu, Hövsan qəsəbəsində Tuncay Qasımbəylinin idarə etdiyi "Chevrolet Cruze" markalı avtomobil piyada 1967-ci il təvəllüdlü Şakir Müzəffərovu vurub. Piyada aldığı xəsarətdən hadisə yerində ölüb. Ağstafada da avtomobil Qırlı kənd sakini, 59 yaşlı Abbasov Mətləb Tofiq oğlunu vurub. Xəstəxanaya aparılan şəxsin vəziyyəti ağırdır. Faktlarla bağlı araşdırma aparılır.
Vüsalə Cənnətova