Dövlət İmtahan Mərkəzi xarici dil müəllimləri üçün Tovuz, Gəncə və Göyçayda maarifləndirici görüşlər keçirib.Tədbirlərdə yeni xarici dil imtahan modeli, qiymətləndirmə meyarları və yazı tapşırıqları ilə bağlı yeniliklər müəllimlərin diqqətinə çatdırılıb.2027-ci ildən etibarən şagirdlərdən xarici dil imtahanında minimum 100 sözdən ibarət qısa mətn yazmaları tələb olunacaq. Məqsəd onların yazılı ifadə və ünsiyyət bacarıqlarını daha obyektiv qiymətləndirməkdir.Görüşlərdə, həmçinin müxtəlif regionların 9 və 11-ci sinif şagirdlərinin xarici dil üzrə buraxılış imtahanlarının nəticələri təqdim olunub, yeni imtahan modeli ilə bağlı metodiki tövsiyələr verilib və müəllimlərin sualları cavablandırılıb.

01 iyul 2026