Torpaqlarımızın işğaldan azad edilməsi və əldə edilən uğurlar şagirdlərə tədris olunacaq
2020-11-18 12:05
Kəlbəcərdə erməni direktorun məktəbi nümayişkaranə şəkildə yandırması təəssüf doğurur və vandalizmdir. Bütün bu hallar sənədləşdirilir və beynəlxalq təşkilatlara çatdırılır. Təhsil naziri Emin Əmrullayev onu da bildirib ki, Azərbaycanda 10 şagird düşmən tərəfindən raket hücumları nəticəsində həlak olub. Müharibə dövründə 340 min şagirdin təhsil aldığı məktəblərdə təhsilin təşkili ümumiyyətlə mümkün olmayıb. Düşmənin atdığı raket zərbələrindən 50 məktəb bu və ya digər dərəcədə zərər görüb. Bəzi məktəblər isə ümumiyyətlə yararsız hala düşüb. Nazir II Qarabağ müharibəsi ilə bağlı materialların tədris ilinin ikinci yarımildən məktəblərə çatdırılmasının planlaşdırıldığını da bildirib.
Vüsalə Camal