2021-04-28 18:00

Tokioda keçiriləcək Yay Olimpiya Oyunlarında koronavirusla bağlı bəzi yeni qaydalar açıqlanıb. Bütün iştirakçılar Yaponiyaya uçuşdan əvvəl iki dəfə koronavirus testindən keçməlidirlər. İdmançılar və onların bilavasitə yaxınlığında olanlar üzə çıxmayan müsbət test nəticələrini minimuma endirmək üçün gündəlik testdən keçəcəklər. Testlərin vaxtı tədbirlər və yarış cədvəlinə uyğun müəyyənləşdiriləcək. Yay Olimpiya Oyunları koronavirus pandemiyası üzündən bu il 23 iyul - 8 avqusta təxirə salınıb. Pekindəki Qış Olimpiya Oyunları isə 2022-ci il 4 - 20 fevralda gerçəkləşəcək.

Vüsalə Camal