Evlərin tikintisi və təmiri adı ilə vətəndaşların pulunu mənimsəməkdə şübhəli bilinən şirkət rəhbəri Elsevər Əliyev saxlanılıb.Daxili İşlər Nazirliyinin məlumatına görə, o, bir vətəndaşdan ev təmirinə görə 888 min 731 manat alıb, lakin işləri tam başa çatdırmayıb. Ekspertiza görülən işlərin dəyərini 317 min 160 manat müəyyən edib. Bundan başqa, onun digər vətəndaşdan tikinti və təmir üçün 450 min manat aldığı, işləri yarımçıq saxladığı bildirilir. Axtarışda olan şəxs saxlanılaraq istintaqa təqdim edilib. Araşdırma davam edir.

21 oktyabr 2026