2020-03-09 12:03

Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşları ölkə ərazisində tibbi maskalara artan tələbatdan sui-istifadə edənləri ifşa edib. Əməliyyat zamanı 3 İran vətəndaşı külli miqdarda tibbi maskaları satmaq istəyən zaman tutulublar. 2 Çin vətəndaşından öz vətənlərinə göndərmək məqsədilə tədarük etdikləri külli miqdarda tibbi maskalar aşkar olunaraq götürülüb. Onları bu ləvazimatlarla təmin etməkdə şübhəli bilinən paytaxt sakini də saxlanılıb. Daha bir tədbir zamanı Xaçmaz və Bakı sakinləri tibbi maskaları real dəyərindən dəfələrlə baha qiymətə satışa təqdim etdikləri üçün ifşa ediliblər. Baş İdarə əməkdaşlarının keçirdikləri tədbirlər nəticəsində ümumilikdə 1 milyon 50 min ədəd tibbi maska müsadirə olunub.

Vəfa Şairova