2020-02-09 10:06

“Champions Chess Tour” çərçivəsində “Opera Euro Rapid” turnirinin ilkin mərhələsi başa çatıb. Mükafat fondu 100 min dollar olan yarışın üçüncü günündə son 5 tur oynanılıb. Şahmatçımız Teymur Rəcəbov Dinq Liren, Maqnus Karlsen, Maksim Vaşye-Laqrav və Uesli So ilə ardıcıl 4 heç-heçə edib, Levon Aronyanla qarşılaşmada yenə 0,5 xalla kifayətlənib. 15 oyunda 1 qələbə qazanıb, 14 heç-heçə edən Rəcəbov 8 xal toplayaraq 7-ci yeri tutub və 1/4 finala yüksəlib. Turnirə ayıın 14-də yekun vurulacaq.

Nərgiz camal