2020-08-31 10:07

Terror-təxribat təlimləri alan şəxs tutularaq Azərbaycana gətirilib. DTX-nin məlumatına görə, araşdırmalar nəticəsində, Azərbaycan vətəndaşı Faliq Vəliyevin terrorçuluq cinayət əməllərinin törədilməsi üsulları ilə əlaqədar hazırlıq keçməsinə, xarici xüsusi xidmət orqanları tərəfindən kəşfiyyat-təxribat xarakterli təlimlərə cəlb edilməsinə əsaslı şübhələr müəyyən edilib. Həmin şəxs barəsində məhkəmənin qərarı ilə həbs qətimkan tədbiri seçilərək beynəlxalq axtarış elan edilib. Vəliyev Rusiyada saxlanılaraq Azərbaycana ekstradisiya olunub. Araşdırma davam edir.

Fərid Mehdiyev