Tərtərin Təpəkənd kəndi istiqamətində minalardan təmizlənməyən ərazidə mina hadisəsi baş verib. Piyada əleyhinə mina partlayışı nəticəsində Tərtərin Seyidimli kənd sakini, 1960-cı il təvəllüdlü Hüseynov Asif Novruz oğlu çox saylı qəlpə yarası xəsarətləri alıb. Şəxsin sağ ayağı pəncə nahiyəsindən amputasiya edilib. Hazırda vəziyyəti orta ağır olub, müalicəsi xəstəxanada davam etdirilir. Faktla bağlı Tərtər rayon prokurorluğunda araşdırma aparılır.

Nərgiz Camalzadə