2020-10-14 12:04

“Ermənistanın humanitar atəşkəsə dırnaqarası “sadiqliyi” tamamilə riyakarlıqdır”. Bu barədə Prezidentin köməkçisi Hikmət Hacıyev öz tvitter hesabında bildirib. “Səhər saatlarından etibarən Tərtər şəhəri və Ağdamın kəndləri atəş altındadır. Bir nəfər həlak olub. Düyərli kənd orta məktəbinin həyətinə mərmi düşməsi nəticəsində 8 nəfər mülki şəxs yaralanıb. 100-dən çox mərmi atılıb. Tərtər Ermənistanın nasizminə qarşı Azərbaycanın “Stalinqrad”ıdır”, - deyə Hacıyev qeyd edib. Prezidentin köməkçisi Ermənistan ərazisindən hücumlar olduğu təqdirdə, Azərbaycanın legitim hərbi hədəflərin zərərsizləşdirilməsi hüququnu özündə saxladığını qeyd edib.

Fərid Mehdiyev