“Kəpəz” Peşəkar Futbol Klubu İctimai Birliyinin İdarə Heyətinin iclası keçirilib. İclasda İdarə Heyətinin yeni tərkibi təsdiqlənib. Bunadək klubun icraçı direktoru olan İlqar Nadiri sədr, AFFA-nı təmsil edən Vasif Qafarov sədr müavini seçilib. Millət vəkili Müşfiq Cəfərov, Gəncə şəhər Gənclər və İdman Baş İdarəsinin rəisi Həmid Nəsirov, iş adamı Zəfər Məmmədov isə İdarə Heyətinin üzvləri olublar. Yığıncaqda əsas komandanın nəticələri müzakirə olunub. Tərlan Əhmədov komandanın yeni baş məşqçisi təyin edilib. İclasda klubun hüquqi ünvanının dəyişdirilməsi haqqında qərar verilib və digər məsələlər müzakirə olunub. Tədbirdə Gəncə futbolunun kuratoru İsgəndər Cavadov da iştirak edib.