Türkiyənin Elazığ şəhərində Azərbaycan Ordusuna dəstək aksiyası təşkil olunub
2020-10-28 11:07
Türkiyənin Elazığ şəhərində Azərbaycan Ordusuna dəstək aksiyası təşkil olunub. Tədbir “Elazığdan Qarabağda dastan yazan qəhrəmanlarımıza məktub” adı altında reallaşıb. Yerli sakinlər, orada təhsil alan və çalışan soydaşlarımız hərbçilərimizə ürək sözlərini yazıblar. İri lövhələrdə Ermənistanın Azərbaycana qarşı işğalçılıq siyasəti və Azərbaycan Silahlı Qüvvələrinin düşmənin hücumlarına qarşı cavab tədbirləri barədə geniş məlumatlar yerləşdirilib. Azərbaycan və Türkiyənin dövlət bayraqları dalğalandırılıb.
Nərgiz Camal