2021-02-18 16:07

Fövqəladə Hallar Nazirliyinin dəvəti ilə Türkiyədən gələn bir qrup peşəkar klinik-psixoloq və psixoterapevt fevralın 26-dan etibarən paytaxtla yanaşı, Gəncə və Bərdə şəhərlərində də müharibədən və erməni terrorundan fiziki və mənəvi zərər görən vətəndaşların psixoloji reabilitasiyası işinə başlayacaq. Bu şəhərlərdə yaşayan vətəndaşlar qeydiyyat üçün Fövqəladə Hallar Nazirliyinin “112” qaynar telefon xəttinə zəng edə bilərlər. Psixoloq mütəxəssislərin qəbulu ödənişsiz həyata keçirilir.

Nərgiz camal