Fövqəladə Hallar Nazirliyinin xilasetmə qüvvələri Kahramanmaraş şəhərində axtarış-xilasetmə əməliyyatlarını davam etdirir. Şəhərin Hayrullah məhləsi, Azərbaycan bulvarı küçəsi, "Gökan apartmanı" adlı 8 mərtəbəli binanın dağıntıları altında qalan şəxslərin çıxarılması və nəticələrin aradan qaldırılması istiqamətində səylər göstərilir. Xilasedicilərimiz dağıntılar altında qalan ümumilikdə 6 şəxsin meyitini və 1 nəfər yaralını çıxararaq aidiyyəti üzrə təhvil verib. Azərbaycandan Türkiyəyə gedən həkim briqadaları Adanada zəlzələdən zərərçəkənlərə tibbi yardım göstərəcəklər. Türkiyəyə 34 nəfərlik həkim heyəti, səhra xəstəxanası ləvazimatları və digər tibbi ləvazimatlar göndərilib.
Zəlzələ bölgəsindəki azərbaycanıların təxliyəsi üçün avtobuslar da ayrılıb.
Nərgiz Camalzadə