2021-04-12 10:07

Türkiyə super liqasında 34-cü həftə matçında lider Beşiktaş - Ərzurum səfərinə yollanıb. "Qara qartallar" ilk hissədə rəqibin ciddi müqaviməti ilə qarşılaşsalarda, ikinci yarıda təcrübə öz sözünü deyib. Yekun hesab 2:4. İngiltərə Premyer Liqasının 31-ci turunun mərkəzi oyununda "Mançester Yunayted" səfərdə "Tottenhem" i məğlub edib. Oyun 3:1 hesabı ilə başa çatıb. London "Arsenal"ı isə Şeffild Yunaytedə qonaq olub. Topçular 3 xalı 3 cavabsız qolla qazanıblar. Futbol üzrə İspaniya La Liqasınnın 30-cu turu çərçivəsində Atletiko Madrid Betis səfərinə yollanıb. Görüş 1:1 hesabı ilə yekunlaşıb. Bu nəticə ilə Atletiko Madrid turnir cədvəlində Madridin kral klubunu 1 xal qabaqlayaraq yenidən liderliyə yüksəlib. İtaliya A seriyasında 30 - cu tur davam edir. Lider “İnter” bu turda doğma meydanda “Kalyari”ni sınağa çəkib və minimal hesabla üstün olub, 1:0. Yuventusda həftəni qələbə ilə başa vurub. Qoca sinyora doğma meydanda Genoa üzərində 3:1-lik qələbəyə sevinib.

Fərid Mehdiyev