2020-12-16 12:07

Futbol üzrə Türkiyə kubokunda 1/16 final mərhələsinə start verilib. İlk oyun günündə 5 qarşılaşma baş tutub. Evdə II liqa təmsilçisi "Darıca Gənclərbirliyi" ilə üz-üzə gələn "Qalatasaray" minimal hesablı qələbə qazanıb. 44-cü dəqiqədə Yunes Belandanın penaltidən vurduğu yeganə qol İstanbul klubunu 1/8 finala yüksəldib. "Qalatasaray"la yanaşı, "Kasımpaşa", "Rizəspor", "Yeni Malatyaspor" və "Bursaspor" da növbəti mərhələyə vəsiqə qazanıblar. 1/16 final mərhələsinin digər oyunları bu gün və sabah gerçəkləşəcək.

Fərid Mehdiyev