Sui-qəsd cəhdinə məruz qalan Slovakiyanın Baş naziri Robert Fitsonun həyati təhlükəsi yoxdur. Baş nazirin müavini Tomas Tarabanın sözlərinə görə əməliyyat uğurlu keçib. Onun vəziyyəti stabil qiymətləndirilir. Yerli mətubatın yazdığına görə isə baş nazirin həyatı üçün təhlükə hələ də qalır. Qeyd edək ki, Fitso kabinetin iclasından sonra ictimaiyyət arasına çıxıb və bu zaman ona atəş açılıb. Baş nazir sinə və qarın nahiyəsindən çoxsaylı yaralar alıb. Sui-qəsd cəhdini qınayan Azərbaycan Prezidenti İlham Əliyev slovakiyalı nazirə tezliklə sağalmağı diləyib.

Azad Mustafayev