Ötən gün Bakıda Azərbaycanın sədrliyi ilə SPECA iştirakçı ölkələrinin dövlət və hökumət başçılarının birinci Zirvə görüşü keçirilib. Bakı Bəyannaməsi qəbul edilib. Sənəddə iqtisadi əməkdaşlıq, rəqəmsallaşma və tranzit marşrutlarının yaşıl transformasiyası, energetika birləşmələri və s. sahələrdə əməkdaşalıq vurğulanıb. Zirvə görüşündə çıxış edən Prezident İlham Əliyev Azərbaycanın güclü iqtisadiyyatının müstəqil xarici siyasət kursu həyata keçirməyə imkan yaratdığını qeyd edib. Ölkə başçısı əlverişli investisiya mühitindən də söz açıb.