Məktəbəqədər və Ümumi Təhsil üzrə Dövlət Agentliyi bildirib ki, dövlət ümumi təhsil müəssisələrində ənənəvi “Son Zəng” tədbiri iyunun 13-də keçiriləcək.Tədbirlə bağlı təlimatlar məktəblərə göndərilib, şagird, müəllim və valideynlərlə müvafiq maarifləndirici söhbətlər aparılıb.Təlimata əsasən, “Son Zəng” məktəbin həyətyanı sahəsində, bu mümkün olmadıqda isə akt və ya idman zalında təşkil edilməlidir. Tədbir saat 08:00, 09:00 və ya 10:00-da başlamalı, maksimum 2 saat davam etməlidir.Şagirdlərin məktəbli formasında iştirak etməsi, xarici görünüşün səliqəli olması tələb edilir. Bayağı musiqilərin səsləndirilməsi qadağandır.Tədbir Dövlət Himni ilə başlamalı, şəhidlərin xatirəsi bir dəqiqəlik sükutla yad olunmalıdır. Rəsmi şəxslərə xüsusi hazırlıq, hədiyyə və gül təqdim edilməsi də qadağan olunub.Qeyd edək ki, bu il ölkənin ümumi təhsil müəssisələrinin XI siniflərini təxminən 116 min şagird bitirir.

10 iyun 2026