"Sivasspor"la qarşılaşacaq Qarabağ" komandası matça itkilərlə çıxacaq
2020-11-25 14:02
UEFA Avropa Liqasının qrup mərhələsinin IV turunda "Sivasspor"la qarşılaşacaq "Qarabağ" komandası matça itkilərlə çıxacaq. Filip Ozobiç cəza üzündən oyunu buraxacaq. Koronavirusa yoluxan kapitan Maksim Medvedev və müdafiəçi Rahil Məmmədov da İstanbula aparılmayıb. Patrik Andrade, Abbas Hüseynov və Bədavi Hüseynovun isə zədəsi var. "Qarabağ" - "Sivasspor" matçı noyabrın 26-da İstanbul şəhərindəki "Başakşehir Fatih Terim" stadionunda oynanılacaq. Qarşılaşma Bakı vaxtı ilə saat 21:55-də başlayacaq. "Qarabağ" bu gün Türkiyəyə yola düşüb.
Nərgiz Camal