2020-11-04 10:10

UEFA Çempionlar Liqasında 3-cü turun ilk oyun gününə yekun vurulub. Gecənin 8 görüşündə qapılara ümumilikdə 35 qol vurulub. Matçlardan 5-i darmadağınla yekunlaşıb. A qrupunda yarışın son qalibi Bavariya - Zaltsburqu səfərdə 6:2 hesabı ilə yenib. Lokomotiv - Atletiko ilə heç-heçə edib - 1:1. B qrupunda Real Madrid ilk qələbəsini İtaliya İnteri üzərində qazanıb - 3:2. Oyunun 33-cü dəqiqəsində Serxio Ramos komandasının ikinci, Madrid klubunda yüzüncü qolunu vurub. Şaxtyor - Borussiya komandasına 0:6 hesabı ilə uduzub. C qrupunda Mançester Siti - Olimpiakosu, Portu isə Marseli darmadağın edib - 3:0. D qrupunda Midtüllann - Ayaksa 1:2 hesabı ilə uduzub. Liverpul isə Atalantanı darmadağın edib - 5:0.

Vəfa Şairova