Saxta əskinazlar hazırlayan şəxslər saxlanılıblar

2020-01-13 16:04

Sumqayıt Xətt Polis Bölməsinə bir nəfərin 14 min 100 manat saxta əskinası 1500 manata satmaq istəməsi barədə əməliyyat məlumatı daxil olub. Həyata keçirilən əməliyyat nəticəsində həmin şəxslər - əvvəllər məhkum olunmuşlar, Sabunçu sakini, “Topuş” ləqəbli Heydər Heydərov və paytaxt sakini, “Paşa” ləqəbli Pərviz Məmmədov saxlanılıblar. P.Məmmədovun yaşadığı evə baxış zamanı saxta pulların hazırlanması zamanı istifadə etdikləri printer və digər avadanlıqlar, həmçinin 1 ədəd “AKSU 74” markalı avtomat silah və ona məxsus 5 ədəd patron, eləcə də metamfetamin aşkar olunaraq götürülüb.

Vüsalə Camal