Samuxda, Gəncə -Samux avtomobil yolunun 2-ci km-də “Mercedes” markalı ağırtonnajlı yük avtomobili idarəetmədən çıxaraq aşıb. Qəza zamanı yanacaqdaşıyan maşının yük çənində olan 40 tona yaxın benzin yol kənarına axıb. Dərhal hadisə yerinə FHN- nin yanğınsöndürən avtomobilləri və canlı qüvvəsi cəlb olunub. Baş verə biləcək yanğının qarşısını alınması istiqamətində tədbirlər həyata keçirilib. Yük maşını yolun hərəkət hissəsinə aşması zamanı Gəncə -Samux yolu bir neçə saat bağlı qalıb. Əraziyə polis əməkdaşları cəlb olunub, sürücülər alternativ yollarla hərəkət etməyə yönləndirilib. DYP əməkdaşları yolda hərəkəti bərpa ediblər.

Fərid Mehdiyev