Salyan rayonunda uşaq bağçası təmir olunur

Salyan rayonunun Stansiya yaşayış massivində bərbad vəziyyətdə olan uşaq bağçası əsaslı təmir edilir. Bağçada hər cür şərait yaradılacaq, fasiləsiz elektrik enerjisi, istilik sistemləri ilə təmin olunacaq. Yanğına qarşı 100 tonluq, içməli su üçün 50 tonluq su çəni quraşdırılacaq. Təmir işlərinin bu ilin axırında başa çatması planlaşdırılır.

Vəfa Şairova