Sahibkarlara maliyyə dəstəyinin göstərilməsi mexanizmləri açıqlanıb
2020-04-08 14:00
İqtisadiyyat Nazirliyi koronavirus pandemiyasından zərər çəkən sahibkarlara maliyyə dəstəyinin göstərilməsi mexanizmlərini açıqlayıb. Vergi ödəyicilərinin İnternet Vergi İdarəsində mövcud olan elektron kabinetləri vasitəsilə təqdim etdikləri müraciətlər əsasında, onların işçilərinə ödənilməli olan əməkhaqqının və ona müvafiq sosial sığorta haqlarının müəyyən hissəsi işəgötürənlərin bank hesablarına köçürüləcək. Qeydiyyatda olan vergi ödəyicilərinə “Pandemiya ilə bağlı maliyyə dəstəyi proqramı” barədə onların şəxsi elektron kabinetinə bildirişlər və mobil telefonlarına SMS-lər göndəriləcək.
Nərgiz Camal