2020-11-27 12:04

AQTA koronavirusla bağlı ictimai iaşə müəssisələrinin sahiblərinə çağırış edib. Koronavirusun profilaktikasına dair qaydalara sahibkarların ciddi əməl etməsi, ictimai iaşə obyektlərində qaydalara riayət olunmasına nəzarət edən müvafiq məsul şəxs təyin etməli olduğu vurğulanıb. Eyni zamanda, interaktiv məlumat mübadiləsinin təmin olunması üçün həmin məsul şəxs haqqında müvafiq məlumatlar Agentliyə təqdim olunmalıdır. Agentlik tərəfindən qida təhlükəsizliyi qeydiyyatından keçmiş sahibkarların şəxsi kabinetləri vasitəsilə məsul şəxslər haqqında lazımi məlumatların təqdim edilməsi üçün müvafiq bildirişlər sahibkarlara göndərilib. Qeydiyyatsız fəaliyyət göstərmək qanuna ziddir və monitorinqlər zamanı belə müəssisələr aşkar edilərsə, fəaliyyətlərinin qanuna müvafiq olaraq məhdudlaşdırılması məsələsinə baxılacaqdır.

Vüsalə Camal