Braziliyanın Belem şəhərində səfərdə olan Milli Məclisin sədri Sahibə Qafarova BMT-nin İqlim Dəyişmələri üzrə Çərçivə Konvensiyasının COP30 sessiyası çərçivəsində Türkiyənin vitse-prezidenti Cevdet Yılmazla görüşüb. Sahibə Qafarova bildirib ki, Azərbaycan və Türkiyə münasibətləri “Bir millət, iki dövlət” prinsipi əsasında inkişaf edir və ölkələr bütün məsələlərdə bir-birini dəstəkləyir. Görüşdə parlamentlərarası əməkdaşlığın, Türk Dövlətləri Təşkilatı çərçivəsində birliyin və Azərbaycan–Ermənistan normallaşma prosesinin regionda sülhə töhfəsi müzakirə olunub. Qeyd edək ki, Azərbaycan parlamenti spikerinin COP30 sessiyası çərçivəsində Sammitdə çıxışı nəzərdə tutulur.