Saatlıda yol qəzası nəticəsində 1 nəfər xəsarət alıb

Saatlıda bir nəfərin xəsarət alması ilə nəticələnən yol-nəqliyyat hadisəsi baş verib. Hadisə rayonun Nərimankənd kəndində qeydə alınıb. Ülvi Alışzadənin idarə etdiyi “VAZ 2106” markalı avtomobil qarşıdan gələn avtomobillə toqquşub. Nəticədə müxtəlif dərəcəli bədən xəsarətləri alan sürücü Saatlı rayon Mərkəzi Xəstəxanasının cərrahiyə şöbəsinə yerləşdirilib. Faktla bağlı Saatlı rayon Polis Şöbəsində araşdırma aparılır.

Ruhəngiz Hacızadə