Saatlıda yerləşən trenajor zalının xüsusi karantin rejiminin qaydalarına zidd olaraq fəaliyyət göstərib
2020-12-15 14:07
Saatlıda yerləşən trenajor zalının xüsusi karantin rejiminin qaydalarına zidd olaraq fəaliyyət göstərib. Məkana baxış zamanı 5 nəfərin qayda pozuntusuna yol verdiyi aşkar edilib və həmin şəxslər barəsində protokollar tərtib edilərək cərimə olunublar. Bundan başqa, koronavirusa yoluxan rayon sakinləri Sərraf Hüseynov və Şəmsi Cəfərovun yaşadıqları ünvanları tərk etdikləri müəyyən olunub. Həmin şəxslər rayon ərazisində aşkar olunub və yaşadığı ünvanlara geri qaytarılıblar.
Nərgiz Camal