"Çox yaxşı komandaya uduzduq. Bu gün səviyyə fərqinin şahidi olduq". "Qarabağ"ın baş məşqçisi Qurban Qurbanov Almaniyada "Bayer 04" klubuna 1:5 hesabı ilə uduzduqları Avropa Liqasının qrup mərhələsinin III turunun oyunundan sonra mətbuat konfransında rəqibə boşluqlar verdiklərini deyib. "Futbolçularım çox əziyyət çəkdilər. Biz müdafiədə oturmaq istəmirdik. "Bayer" topla həddindən artıq yaxşı davranırdı. Bunu əvvəlcədən də bilirdik. Nəticə onların bizdən çox yuxarıda olduğunu göstərdi" - deyə 51 yaşlı mütəxəssis qeyd edib.

Emin İsazadə