2021-02-22 14:05

Dövlət Sərhəd Xidmətinin “Kələdəhnə” sahil nəzarəti bölməsinin xidməti ərazisində içərisində Astara sakini Ağayeva Gülşən Vaqif qızının da olduğu “Mitsubishi” markalı avtomobildən düşən Ağayev Qurban Fərhad oğlunun kolluqda gizlədilmiş 1 ədəd kisəni götür­məsi sərhəd naryadının diqqətini cəlb edib. Saxlama zamanı keçmiş məhkum Qurban Ağayev silahlı müqavimət göstərərək sərhəd naryadının iki üzvünə yüngül xəsarət yetirib. Kisənin içərisindən ümumilikdə 16 kq 965 qr narkotik vasitəyə bənzər maddələr aşkarlanıb. Saxlanılan şəxsin evindən də 1 kq 100 qr marixuanaya bənzər narkotik vasitə götürülüb.

Vüsalə camal