Sərhəddə 3 kq narkotik aşkarlandı, Gəncə sakini saxlanıldı
2020-01-23 18:09
Sərhədçilər Beyləqan rayonunun Əmirzeyidli kəndi yaxınlığındakı sərhəd zastavasının xidməti sahəsində gizlin yerdən bağlama götürərək hadisə yerindən uzaqlaşmağa cəhd edən şəxsi saxlayıblar. Əlindəki bağlamaya baxış zamanı içərisində ümumi çəkisi 2 kq 980 qram olan narkotik vasitə aşkarlanıb. Digər iki nəfər hadisə yerindən qaçmağa cəhd göstərib, lakin təqib edilərək saxlanılıblar. Onlardan biri özünü Gəncə şəhər sakini 30 yaşlı Məftunə Məmmədova kimi təqdim edib. Fakt üzrə müvafiq əməliyyat-istintaq tədbirləri davam etdirilir.
Vüsalə Camal