Futbol üzrə Azərbaycan Premyer Liqasında XII tura start verilib. Açılış matçında "Səbail" "Turan Tovuz"u qəbul edib. Qarşılaşmada tovuzlular hesabı açsalar da, görüş meydan sahiblərinin 2:1 hesablı qələbəsi ilə yekunlaşıb. Oyunda qorxulu anlar da yaşanıb. 45-ci dəqiqədə top uğrunda hava mübarizəsində rəqiblə baş-başa toqquşan Ağabala Ramazanov yerə yıxılaraq hərəkətsiz vəziyyətdə qalıb. Dərhal həkimlər futbolçuya müdaxilə ediblər. Meydana təcili tibbi yardım maşını girib və oyunçunu xəstəxanaya aparıblar.

Emin İsazadə