Ronaldu Messinin rekordunu üstələyib
2020-12-03 12:01
"Yuventus" UEFA Çempionlar Liqasının qrup mərhələsinin 5-ci turunun matçında Kiyev "Dinamo"sunu qəbul edib. Görüş meydan sahiblərinin 3:0 hesablı qələbəsi ilə başa çatıb. Turin klubunun qollarından birini 57-ci dəqiqədə hücumçu Kriştianu Ronaldu vurub. Portuqaliyalı bununla Çempionlar Liqasında özünün 71-ci ev qoluna imza atıb və həmin göstərici üzrə rekordçu, "Barselona"nın hücumçusu Lionel Messini ötüb. Bu, həmçinin Ronaldunun karyerasında 750-ci qolu olub.
Nərgiz Camal