UEFA Səudiyyə Ərəbistanının "Əl-Nəsr" klubunun Avropa Çempionlar Liqasında iştirak imkanlarına baxacaq. Bu barədə jurnalist Əli Əl-Hərbi sosial şəbəkələrdə məlumat verib. Məlumata görə, UEFA rəhbərliyi portuqaliyalı hücumçu Kriştianu Ronaldunun çıxış etdiyi komandanın populyarlığı yüksək olduğuna görə Səudiyyə klubunu dəvət etməkdə maraqlıdır. Onsuz da Çempionlar Liqasının formatı 2024-cü ildən dəyişdiriləcək. Dəyişikliyə əsasən komandaların sayı 24-dən 36-ya yüksələcək, qrup mərhələsi vahid liqa ilə əvəz olunacaq, hər bir klub on müxtəlif komanda ilə ən azı 10, 5-i öz meydanında, 5-i isə səfər meydanında qarşılaşacaq.

Emin İsazadə