Regionda baş verən gərginliyə görə bütün məsuliyyət Paşinyanın üzərinə düşür – Leyla Abdullayeva
2020-07-24 14:03
Ermənistanın baş naziri Nikol Paşinyan tərəfindən 23 iyulda hökumətin iclası zamanı səsləndirilən fikirlər ATƏT-in Minsk Qrupunun həmsədrlərinin vasitəçiliyi ilə aparılan danışıqlar prosesinə növbəti zərbədir. Xarici İşlər Nazirliyinin Mətbuat xidməti idarəsinin rəisi Leyla Abdullayevanın sözlərinə görə, bununla, Ermənistanın rəhbərliyi danışıqlar prosesini dayandırmaq istəyir. "Lakin, danışıqların formatı dəyişdirilə bilməz. Ermənistanın işğalçı və təcavüzkar dövlət olaraq danışıqlara qeyd-şərt qoyması cəhdləri qəbuledilməzdir. Regionda baş verən gərginliyə görə bütün məsuliyyət şəxsən N.Paşinyanın üzərinə düşür". Sitatın sonu.
Vəfa Şairova