Zaqatalanın Danaçı kəndində 1956-cı il təvəllüdlü Makarov Mohiddin Əhməd oğlunun idarə etdiyi motosiklet digər nəqliyyat vasitəsinə çırpılıb. Xəsarət alan Makarov əvvəlcə rayon mərkəzi xəstəxanasına çatdırılıb. Lakin vəziyyəti ağır olduğundan Bakıda yerləşən xəstəxanaların birinə göndərilib.
Qəbələdə isə Mənsur Məmmədov, Rəhim Məmmədov və Ələsgər Mikayılovun sükanı arxasında olduğu "VAZ" markalı avtomobillər toqquşub. Xəsarət alan Rəhim Məmmədov Rayon Mərkəzi Xəstəxanasına aparılsa da, orada dünyasını dəyişib. Polis olan Mənsur Məmmədovun müalicəsi isə davam edir. Hadisə, xidmətdən kənar vaxtda qeydə alınıb.
Nərgiz Camalzadə