Qubada ölümlə nəticələnən yol-nəqliyyat hadisəsi baş verib. Rayon sakini İlham Dadaşov idarə etdiyi "Hyundai" markalı avtomobillə idarəetməni itirərək yolun kənarındakı ağaca çırpılıb. Sürücü aldığı xəsarətlərdən xəstaxanada ölüb.
Bakıda minik avtomobilinin sürücüsü Mehdi Mehdiyevin telefona baxması qəzaya səbəb olub. Diqqəti yayındığına görə maşın səkidəki məhəccərə çırpılaraq aşıb. Maşında olan sərnişin Nicat Muxtarov ağır bədən xəsarətləri alıb. Yaralı Kliniki Tibbi Mərkəxə yerləşdirilib. Yol təsərrüfatına ciddi ziyan dəyib.
Digər bir qəza isə yüksək sürət səbəbindən baş verib. Avtomobil yolu süpürən qadını vurub. Zərbənin təsirindən qadın yol kənarında dayanan 1999-cu il təvəllüdlü Şəhriyar Heydərova çırpılıb. Qadın hadisə yerində dünyasını dəyişib. Piyada isə Kliniki Tibbi Mərkəzə yerləşdirilib. Sürücünün sükana nəzarəti itirməsi nəticəsində minik avtomobili “KamAz”a çırpılıb. Nəticədə minik avtomobilinün sürücüsü ağır xəsarət alıb. Faktlar araşdırılır.

Fərid Mehdiyev