"Quş qripi" ilə bağlı monitorinq keçiriləcək
2020-01-10 16:02
Qida Təhlükəsizliyi Agentliyi, Qida Təhlükəsizliyi İnstitutu, Səhiyyə, Kənd Təsərrüfatı, Ekologiya və Təbii Sərvətlər nazirlikləri əməkdaşlarından ibarət işçi qrupu ölkə ərazisini yüksək patogen "quş qripi"ndən qorumaq məqsədilə xəstəliyə qarşı yanvarın 13–dən 17-dək növbəti epizootoloji monitorinqlər keçirəcək. Monitorinqlər Milli park və təbiət qoruqlarını, su-bataqlıq ərazilərini, dənizsahili zonaları, iri quşçuluq müəssisələri, həyətyanı və kiçik həcmli kommersiya tipli quşçuluq təsərrüfatlarını əhatə edəcək.
Vüsalə Camal