2020-05-06 12:05

Qazaxıstan sahil mühafizəçilərinin açdığı atəş nəticəsində öldürülən Azərbaycan vətəndaşının meyiti qaytarılıb. Mayın 6-da Xəzər dənizinin mərkəzi istiqamətində Dövlət Sərhəd Xidmətinin Sahil Mühafizəsinin sərhəd gözətçi gəmisi tərəfindən 30 apreldə Qazaxıstanın Sərhəd Xidmətinin Sahil Mühafizəsinin əməkdaşları tərəfindən Xəzər dənizində 4 nəfər Azərbaycan vətəndaşının saxlanılması zamanı silahın tətbiqi nəticəsində həyatını itirən Neftçala sakini, 51 yaşlı Qəhrəman İbrahimovun cənazəsi qəbul edilib. Meyit ailəsinə təhvil verilib.

Vəfa Şairova