Qaxda bir ailənin beş üzvü qidadan zəhərlənib. Rayon sakinləri - 64 yaşlı Xanım Xəlilova, onun oğlu 40 yaşlı Məhəmməd Xəlilov və gəlini Günay Mahmudova, eləcə də 2 azyaşlı qida zəhərlənməsi diaqnozu ilə Rayon Mərkəzi Xəstəxanasına müraciət ediblər. Onların kəklikotu çayı içdikdən sonra vəziyyətlərinin pisləşdiyi qeyd edilib. İlkin ehtimala görə, hadisəyə kəklikotunun içərisində zəhərli alaq otlarının da qəbul edilməsi səbəb olub. Fakt araşdırılır.