2021-02-24 12:10

Bakının Qaradağ rayonu ərazisində qarlı hava şəraiti zəncirvari qəzaya səbəb olub. Yolda hərəkətdə olan yük maşını idarəetməni itirərək aşıb. Qəza nəticəsində 10- a yaxın avtomobil aşan yük maşınına çırpılıb. Məlumata görə, hadisə nəticəsində 1 nəfər ölüb, bir neçə nəfər xəsarət alıb. Hadisə yerinə yol polisi əməkdaşları cəlb edilib, yolda avtomobillərin hərəkəti bərpa olunub. Bundan başqa, paytaxtda qarlı hava şəraiti ilə əlaqədar 12 nəfər yıxılaraq müxtəlif dərəcəli bədən xəsrətləri alıb. Yaralılardan birinə yerində yardım göstərilib, digərləri xəstəxanaya yerləşdiriliblər. Xaçmazın Xudat şəhərində isə qarlı havada idarəetmədən çıxan avtomobil qaz şəbəkəsinə ziyan vurub. Məlumata görə, 3 kənddə xidmət göstərən qaz xəttinin zədələnməsi nəticəsində mindən çox abonentin qaz təchizatında müvəqqəti fasilə yaranıb. Həmçinin Bakı-Quba-Rusiya sərhədi avtomobil yolu, Gəndob-Yalama yolunda və Ağsu aşırımında buzlaşma var.

Fərid Mehdiyev