Almaniya və Şotlandiya klubları “Qarabağ”ın futbolçusu Abdullah Zubirlə maraqlanırlar. “Auqsburq” və “Seltik” komandaları fransalı yarımmüdafiəçini mövsümün sonunda heyətlərinə qatmaq barədə düşünürlər. Eyni zamanda, Fransa Liqa 1-də çıxış edən bir klubun da ona maraq göstərdiyi bildirilir. Abdullah Zubirin “Qarabağ”la müqavilə müddəti mövsümün sonuna qədərdir. "Qarabağ"ın futbolçusu Juninyoyla isə Fatih Terimin baş məşqçisi olduğu "Panatinaikos" maraqlanır. Klub rəsmiləri artıq oyunçunun agentləri ilə əlaqəyə keçiblər və müqavilənin şərtləri ilə maraqlanırlar. Forvardın "köhlən atlar"la müqaviləsinin müddəti 2026-cı ilin yayına qədərdir.

Fərid Mehdiyev