2021-11-05 10:09

Konfrans Liqasının qrup mərhələsində IV turun oyunları çərçivəsində "Qarabağ" Qazaxıstanda "Kayrat"ın qonağı olub. Görüş Ağdam klubunun 2:1 hesablı qələbəsi ilə başa çatıb. Bu nəticədən sonra "Qarabağ" xalını 10-a çatdırıb və qrup liderliyinə yüksəlib. Buna Bazelin Kirpdə Omoniya ilə 1:1 hesablı heç-heçə etməsi imkan yaradıb. "Yaxşı komandaya qalib gəldik. Hər iki oyunda meydanda sonadək mübarizə getdi". Bu fikirləri köhlən atların baş məşqçisi Qurban Qurbanov oyundan sonra mətbuat konfransında deyib."Uduzsaydıq belə, bu cür xarakter göstərdikləri üçün komandadan razı qalacaqdım. İlk hissədə bizim də yaxşı qol epizodlarımız oldu. Bu da futbolun gözəlliklərindən biridir. Matçın hər iki hissəsindən razı qaldım".

Fərid Mehdiyev