2021-04-05 10:05

Futbol üzrə Azərbaycan Premyer Liqasında 21-ci turun sonuncu oyununda son çempion "Qarabağ" klubu “Keşlə"nin qonağı olub. Qarşılaşma 1:1 hesabı ilə yekunlaşıb. "Qarabağ" 43-cü xalını qazanaraq "Neftçi"ni keçib və vahid lider olub. Futbol üzrə Türkiyə çempionatının 32-ci turunda keçirilən qarşılaşmada isə “Beşiktaş” “Kasımpaşa”nın qonağı olub. Meydan sahibləri qonaqları minimal hesabla üstələyiblər. Yeganə qolun müəllifi Aytac Kara olub. Türkiyə Superliqasının turnir cədvəlinə 64 xalla “Beşiktaş” başçılıq edir. Sonrakı pillələrdə “Qalatasaray” və “Fənərbağça” qərarlaşıb. İspaniya çempionatının 29-cü tur oyununda "Atletiko"nun futbolçuları 0:1 hesabı ilə "Sevilya"ya məğlub olub. Madrid klubu 66 xal toplayaraq ölkə çempionatı cədvəlində liderliyini davam etdirir.

Vüsalə Camal