2021-01-22 10:00

Türkiyənin Antalya bölgəsində təlim məşq toplanışında olan Qarabağ ötən gün keçirdiyi iki yoxlama görüşlərində məğlub olub. Ağdam təmsilçisi Serbiya "Baçka Topola"sına 0:1, Polşa "Şlyonsk"inə isə 2:3 hesabı ilə uduzub. "Yaxşı rəqiblərə qarşı oynadıq. Hər iki matçda hiss olunurdu ki, rəqiblər fiziki olaraq bizdən daha hazırlıqlıdır" bunu klub televiziyasına açıqlamasında baş məşqçi Qurban Qurbanov deyib. Ard - arda iki matça çıxan futbolçuların yüklənməsinin sonuncu günü olduğunu bildirən 50 yaşlı mütəxəssis, son yoxlama görüşünə daha yaxşı formada çıxacaqlarını qeyd edib.

Fərid Mehdiyev