Bizim bərpaolunan enerji gündəliyimiz təkcə günəş və ya külək elektrik stansiyaları ilə məhdudlaşmır. Hazırda biz üç il bundan əvvəl işğaldan azad edilmiş Qarabağın və Şərqi Zəngəzurun ərazilərində hidroenerji potensialımızı fəal şəkildə inkişaf etdiririk. Bu fikirləri Prezident İlham Əliyev ötən gün Qaradağ Günəş Elektrik Stansiyasının rəsmi açılış mərasimində söyləyib. Dövlət başçısı iki-üç ildən sonra hidroelektrik stansiyaların gücünün 500 meqavat olacağını da vurğulayıb. Bunun da yaşıl enerjiyə keçid prosesinə digər mühüm bir töhfə olacağını qeyd edib.