2021-09-10 14:00

Bakıda Türkdilli Dövlətlərin Əməkdaşlıq Şurası ölkələrinin iqtisadiyyat nazirlərinin 10-cu iclası işə başlayıb. Türkdilli ölkələr arasında iqtisadi əməkdaşlığın genişləndirilməsi imkanları müzakirə olunub. İclasda çıxış edən İqtisadiyyat naziri Mikayıl Cabbarov Azad edilmiş ərazilərdə bütün infrastrukturun fəal şəkildə bərpasının aparıldığını vurğulayıb. Qarabağın azad edilməsi ilə yeni perspektivlər və yeni çağırışların yarandığını deyən nazir: "Bu sayədə biz Zəngəzur dəhlizi və Naxçıvanla, Türkiyə ilə birbaşa kommunikasiya, eləcə də Mərkəzi Asiya bazarlarına çıxış barədə danışa bilərik" - deyə sözlərinə əlavə edib.

Fərid Mehdiyev