2021-05-12 18:05

Baş Narkotiklərlə Mübarizə İdarəsinin əməkdaşları son 20 gün ərzində narkotik maddələrin qanunsuz dövriyyəsi ilə məşğul olan mütəşəkkil cinayətkar dəstənin daha 57 üzvünü saxlayıblar. Onlarda ümumilikdə 120 kiloqram narkotik vasitə və psixotrop maddə, 4360 ədəd psixotrop tərkibli həb aşkar olunub. Dövlət Gömrük Komitəsi və Daxili İşlər Nazirliyi əməkdaşları isə Bakının Lökbatan qəsəbəsində Qabil Aslanovu 200 “metadon” həbini satarkən saxlayıblar. “Metadon”u ona verən Rza Mirzəli və Əfsanə Rəsulova, Pərvin İsmayılzadədən ümumilikdə 760 “metadon” həbi, 104,649 qram tiryək və 68,175 qram “metamfetamin” götürülüb.

Nərgiz camal